Məlumdur ki, Tarif Şurasının iyul
ayının 30-da keçirilən iclasında ictimai
nəqliyyatda sərnişindaşıma xidmətləri üzrə yeni tariflər təsdiq edilib. Bu
tariflərə əsasən avqust ayının 1-dən etibarən qiymət gediləcək rayona kimi olan
məsafəyə görə hesablanır.
Belə ki, şəhərdaxili hərəkət edən bütün marşrut
avtobuslarında gediş haqqı 0,30 AZN olaraq müəyyən edilib. Lakin dünən
redaksiyamıza gələn çoxsaylı müraciətlərdən bəlli oldu ki, 9 nömrəli marşrut
avtobuslarında asılan lövhədə gediş haqqı 0,40 AZN olaraq göstərilib.
Məsələ ilə bağlı Sumqayıt Avtomobil Nəqliyyatı
ilə Sərnişindaşıma İdarəsinin rəhbəri Tofiq Saydumov ilə əlaqə saxladıq.
T.Saydumov bildirdi ki, problem həll olunub:
"Dünən qiymətlə bağlı anlaşılmazlıq
yaranmışdı. Tarif Şurasının qərarına əsasən siyahı cədvəl şəklində
formalaşdırılandan sonra məsələ yoluna qoyuldu. Hazırda sözügedən marşrut
avtobusunda gediş haqqı 0,30 AZN-dir”.
Elnarə Salamova
Xeberle.com
Xəbərdən istifadə edərkən istinad etmək vacibdir.
