Fövqəladə Hallar Nazirliyinin Sumqayıt Regional Mərkəzi Sumqayıt şəhəri və Abşeron rayonu ərazisində yerləşən dənizkənarı istirahət mərkəzlərində "Fövqəladə hallarla bağlı davranış və yanğın təhlükəsizliyi qaydaları” mövzusunda maarifləndirmə və təbliğat tədbirləri həyata keçirmişdir.
Xeberle.com xbər verir ki, tədbirlərdə FHN-in Sumqayıt Regional Mərkəzinin, Sumqayıt Regional Dövlət Yanğın Nəzarəti İdarəsinin və I ərazi DYNİ-nin əməkdaşları iştirak etmişdir.
Tədbirlərin əsas məqsədi dənizkənarı istirahət mərkəzlərində çalışan əməkdaşları və istirahət edən vətəndaşları yanğın təhlükəsizliyi ilə bağlı məlumatlandırmaq olmuşdur.
Görüşlərdə vətəndaşlara yanğın təhlükəsizliyinə dair norma və prinsiplər barəsində ətraflı məlumat verilmişdir. Eyni zamanda yerli əhaliyə yanğınların baş verməsinin qarşısının vaxtında və operativ şəkildə alınması üçün bütün zəruri və qabaqlayıcı tədbirlərin görülməsi istiqamətində də tövsiyələr verilmişdir.
Tədbirlərdə iştirak edən vətəndaşlara yanğın təhlükəsizliyi qaydaları ilə bağlı bukletlər, müxtəlif maarifləndirici təbliğat materialları paylanılmış, suallar cavablandırılmışdır.
Xəbərdən istifadə edərkən istinad etmək vacibdir.
