Bu ilin ilk yarısında Azərbaycandan xaricə 2 min 70 ədəd at və eşşək ixrac olunub.

Xeberle.com Dövlət Statistika Komitəsindən açıqlanan məlumatlara istinadən bildirir ki, bu qədər at və eşşəyin gömrük dəyəri 309,6 min dollar olub.

Ötən ilin eyni dövrü ilə müqayisədə at və eşşəklərin ixracı təxminən 2 dəfə azalıb. Belə ki, 2017-ci ilin ilk yarısında xaricə 4 min 70 ədəd at və eşşək satılıb.

At və eşşəkdən fərqli olaraq bu ilin ilk yarısında xaricə bir dənə də olsun inək, qoyun və keçi satılmayıb. Müqayisə üçün bildirək ki, ötən ilin yanvar-iyun ayları ərzində xarici ölkələrə 64 baş iribuynuzlu heyvan, 2 min 492 baş qoyun və keçi ixrac olunub.
Onu da bildirək ki, heyvanların ixracından fərqli olaraq idxalında kəskin artım qeydə alınıb. Ötən ilin analoji dövrü ilə müqayisədə xaricdən gətirilən at və eşşəklərin sayı 43 dəfə artaraq 5 başdan 214 başa yüksəlib. İdxal olunan iribuynuzlu heyvanların ixracı 34 min 976 başdan 54 min 791 başa, qoyun və keçilərin sayı isə 4 min 248 başdan 27 min 432 başa çatıb.