"Bəzi
sosial media səhifələrində paylaşılan "Gözlə görünən bu mötəbər sübutlar təsdiq
edir ki...” başlıqlı yazı ilə bağlı Əmək və Əhalinin Sosial Müdafiəsi Nazirliyi
araşdırma aparıb. Yazıda Sumqayıt şəhər, Xəzər bağlarında yaşayan Məmmədov
Elvin Arzuman oğlunun ünvanlı dövlət sosial yardımı almaq məqsədilə nazirliyə
elektron müraciət etdiyi və əsasız imtina aldığı qeyd edilir. ("Mən aldığım
maaşı bilirəm ki, dörd ay ərzində hər ay 125 mant 45 qəpik olub.İşlədiyim
birinci mart ayındada əmək günüm az olduğuna görə 36 manat 55 qəpik maaşım
olub. Üst-üstə toplam mənə 538 manat 35 qəpik maaş hesablanıb”.) Məmmədov Elvin Arzuman oğlunun iddiası əsassızdır. Vətəndaşın
elektron müraciət zamanı ərizə bəyannaməni düzgün doldurmadığı müəyyən edilib.
Belə ki, vətəndaşın əmək müqaviləsi bağladığı tarix fevral ayı olduğu halda, o,
mart ayından işə başladığını qeyd edib."
Xeberle.com xəbər verir ki, bu barədə və Əhalinin
Sosial Müdafiəsi Nazirliyinin İctimaiyyətlə əlaqələr şöbəsinin müdir müavini
Fazil Talıbov deyib. F. Talıbov bildirib ki,
Məmmədov Elvin Arzuman oğlunun cari ilin fevral ayında işə düzəldiyini nəzərə
alsaq gəlirləri nəzərə alınmış ayların sayı 6 ay olur: "Vətəndaşın qeyd
etdiyi kimi əmək haqqı fevral ayında 36,55 manat və 5 ay ərzində hər ay 125,45
manat (627,25 manat) olarsa bu da 663,8 manat edir. Bir sözlə vətəndaş aylıq gəlirləri
barədə səhv məlumat yazdığı üçün, sistem tərəfindən avtomatik imtina verilib."
Xəbərdən istifadə edərkən istinad etmək vacibdir.
