«Azərikimya» İstehsalat Birliyinin növbəti təşkilatçılığı ilə Sumqayıtın bir sıra idarə, müəssisə və təşkilatlarını təmsil edən komandalar arasında 20 sentyabr – Neftçilərin peşə bayramı gününə həsr olunmuş "Xəmsə” bilik yarışı keçirilib.
Xeberle.com xəbər verir ki, "Azərikimya” İB-nin də təmsil olunduğu yarışda "SOCAR-Polymer” MMC-nin, SOCAR Karbamid zavodunun, YAP Sumqayıt şəhər təşkilatının, Sumqayıt şəhər Təhsil şöbəsinin, Qızıl Aypara Cəmiyyəti Sumqayıt şəhər bölməsinin, Gənclərin İntellektal Mərkəzinin, "N” saylı hərbi hissənin, "BERC GROUP”un, Mərkəzləşdirilmiş kitabxanalar sisteminin, "Təfəkkür” və "İstedad” liseylərinin, Sumqayıt Heydər Əliyev Mərkəzinin komandaları da daxil olmaqla 20 komanda qatılıb.
Yarış iştirakçılarının xüsusi fəallığı, münsiflər heyətinin, o cümlədən "Xəmsə” yarışları üzrə tanınmış mütəxəssislərin idarəçiliyi və ciddi nəzarəti altında keçirilən, üç seçim və bir final mərhələsindən ibarət olmaqla dörd saatdan artıq davam edən bilik yarışında yüksək bilik səviyyəsi, məntiqi və mühakiməyürütmə qabiliyyəti ilə seçilən "BERC GROUP” komandası birinci yerə layiq görülüb, Gənclərin İntellektal Mərkəzi və "Tərəqqi” komandaları isə müvafiq olaraq ikinci və üçüncü yerləri tutublar. "Azərikimya” İB-nin komandası həvəsləndirici mükafata (IV yer) layiq görülüb.
Qalib komandalara «Azərikimya» İstehsalat Birliyi Həmkarlar İttifaqı Komitəsi tərəfindən fəxri diplomlar və mükafatlar təqdim olunub. Həmçinin "SOCAR-Polymer” MMC-nin komandası bilik yarışında fəal iştirak etdiyinə və 4 fəal komanda arasında keçirilən şans mərhələsində qalib gəldiyinə görə mükafatlandırılıb.
Xəbərdən istifadə edərkən istinad etmək vacibdir.
