Prezident İlham Əliyev Sadiq Sadıqovun Azərbaycan Respublikasının Mənzil İnşaatı Dövlət Agentliyinin İdarə Heyətinin sədri təyin edilməsi haqqında sərəncam imzalayıb.
Xeberle.com xəbər verir ki, sərəncamla Sadiq İzzət oğlu Sadıqov Azərbaycan Respublikasının Mənzil İnşaatı Dövlət Agentliyinin İdarə Heyətinin sədri təyin edilib.
Sadıq Sadıqov 2015-2016-cı illərdə "Azərişıq” Açıq Səhmdar Cəmiyyəti (ASC) sədrinin birinci müavini vəzifəsində çalışıb.
2018-ci ilin 13 martında isə Prezident İlham Əliyevin sərəncamı ilə Sadiq Sadıqov Azərbaycan Mənzil İnşaatı Dövlət Agentliyi İdarə Heyəti sədrinin müavini vəzifəsinə təyin edilib.
Nəhayət bugünkü təyinat S.Sadıqovu Mənzil İnşaatı Dövlət Agentliyi İdarə Heyəti sədri vəzifəsinə gətirib.
Qeyd edək ki, Sadiq Sadıqov tanınmış həkim İzzət Sadıqovun oğlu, Sumqayıt Təcili Tibbi Yardım Xəstəxanasının baş həkimi Rauf Sadıqovun qardaşıdır.
Xəbərdən istifadə edərkən istinad etmək vacibdir.
