FaktXeber.com-un redaksiyasına azərbaycanlı vəhhabi və sələfilərin təhsil aldığı Səudiyyə Ərəbistanının Mədinə İslam Universitetinin məzunları adından bəyanat daxil olub. Bəyanatda hal-hazırda vəhhabilərin ən çox yığışdığı Müşviqabaq məscidinin axundu Mübariz Qarayev və radikal fikirləri ilə tanınan Əlixan Musayev Mədinə islam Universitetinin azərbaycanlı məzunları tərəfindən kəskin tənqid edilir. Bəyanatda bildirilir ki, guya vəhhabilərin Suriyaya göndərilməsinin ən başlıca günahkarları bu iki şəxsdir. Sələfi- vəhhabi əqidəsi ilə bağlı yaranan hər iki qruplaşmanın eyni bulaqdan su içdiyini və ideologiyaya sahib olduğunu nəzərə alsaq, belə bir bəyanatın vəhhabilərin həqiqi simasının Suriya olayları ilə ifşa olduğu bir dövrdə üzə çıxarılması necə başa düşülə bilər? Məgər bəyanatı imzalayanlar 3 il bundan qabaq Mübariz Qarayev və Əlixan .jpg)
Musayevin belə bir əqidəyə sahib olduğunu bilmirdilərmi? Bəs həmin dövrdə niyə bu bəyanatı səsləndirmirdilər? Bunun üçün 200-dən çox azərbaycanlı gəncin öldürülməsi lazım idi?
Digər tərəfdən bu bəyanata imza atan şəxslər, vəhhabi və sələfilərin Suriyadakı biabırçılığını ört-basdır etmək və bunu yalnız Mübariz Qarayev və Əlixan Musayev çərçivəsində məhdudlaşdırmaq istəyirlər.
Mövzu ilə bağlı açıqlama verən Birlik Təşkilatının sədri, şərqşünas Vüsal Hətəmov səsləndirilən ehtimalların mümkün olduğunu söylədi
Sözügedən qruplaşmaları ölkədə ört-basdır etmək istəyən qüvvələrin hüquq-mühafizə qurumları tərəfindən zərərsizləşdirilməməsinin maraq doğurduğunu bildirən Vüsal bəy, “burada hökumət həm bəzi media şəbəkəsini, həm də bəzi ictimai siyasi qurumları təftiş etməlidir. 3 ildir Azərbaycan vətəndaşları Suriyada döyüşür və bir qismi də öldürülüblər.
İndi Qamət, Elşad Miri, Əlixan durub deyir ki bunlar bizdən deyil” , - deyə qeyd etdi: “Məncə burada ciddi şəbəkə məsələsi var. Əgər bu adamlar 3 ildir danışmırdılarsa, və indi danışırlarsa, deməli, bunun özü də plan üzrə gedildiyini ehtimal edir. Allah xalqımızı, dövlətimizi bu fitnələrdən qorusun!“
Xəbərdən istifadə edərkən istinad etmək vacibdir.
