Dövlət Statistika Komitəsinin Sumqayıt şəhər şöbəsindən Xeberle.com-a verilən məlumata görə, 2018 - ci ilin oktyabr ayının 1-nə olan məlumata görə, Sumqayıt şəhər ərazisinin əhalisi 342,8 min nəfər olub.

Bu göstəricilərə əsasən Sumqayıt şəhərində 306,1 min nəfər , H.Zeynalabdin qəsəbəsində 23,2 min nəfər, Corat qəsəbəsində 13,5 min nəfər əhali yaşayır.

Bu rəqəm ötən illə müqayisədə 2500 nəfər və ya 0,7 faiz artıb. Əhalinin ümumi sayının 169,0 min nəfərini və ya 49,3 faizini kişilər, 173,8 min nəfərini və ya 50,7 faizini qadınlar təşkil edir.

Qeyd edək ki, bundan başqa şəhər ərazində 52,9 min nəfərdən çox qaçqın və məcburi köçkün məskunlaşıb.

Xədicə Səxavətqızı

Xeberle.com