Sumqayıt şəhər İcra Hakimiyyətində Azərbaycan Respublikasının
Prezidenti İlham Əliyevin 31 iyul 2018-ci il tarixli Sərəncamı
ilə təltif olunan şəhər icra hakimiyyətinin əməkdaşlarına "Dövlət
qulluğunda fərqlənməyə görə” medalı təqdim olunub.
Sumqayıt şəhər İcra Hakimiyyətinin başçısı Zakir Fərəcov
İctimai-siyasi və humanitar məsələlər şöbəsinin müdir müavini – dini
qurumlarla işin təşkilatçısı Fərman Vəli oğlu Kazımova və Corat qəsəbəsi
üzrə icra nümayəndəsi Cəmil Dəmir oğlu Quliyevə "Dövlət qulluğunda
fərqlənməyə görə” medalını təqdim edib.
Şəhər rəhbəri ölkə başçısının sərəncamına əsasən "Dövlət qulluğunda
fərqlənməyə görə” medalı ilə təltif olunan şəhər icra hakimiyyətinin
əməkdaşlarını bir daha təbrik edərək, gələcək işlərində uğurlar
arzulayıb.
Dövlət təltifinə layiq görülmüş əməkdaşlar çıxış edərək onların
əməyinə verilən yüksək qiymətə görə Prezident İlham Əliyevə dərin
minnətdarlıqlarını ifadə ediblər.
Xəbərdən istifadə edərkən istinad etmək vacibdir.
