Sumqayıt şəhər Heydər Əliyev Mərkəzində şəhər Ağsaqqallar Şurasının VIII Hesabat-seçki konfransı keçirilib.
Xeberle.com xəbər verir
ki, tədbirdə Sumqayıt şəhər İcra Hakimiyyətinin başçısı Zakir Fərəcov,
şəhər Ağsaqqallar Şurasının üzvləri, idarə, müəssisə və təşkilat
rəhbərləri iştirak ediblər.
Sumqayıt şəhər Ağsaqqallar Şurasının sədri
Müzəffər Gülümovun sədrlik etdiyi konfransın gündəliyi təsdiq
edildikdən sonra hesabat məruzəsi dinlənilib. Hesabat məruzəsində
Ağsaqqallar Şurasının ötən dövr ərzində gördüyü işlər barədə ətraflı
məlumat verilib.
Qeyd olunub ki, son illərdə Sumqayıt
şəhərində bütün sаhələrdə görülmüş işlər, qazanılmış naliyyətlər şəhərdə
аğsаqqаllаrın, аhıl vətəndаşlаrın sоsiаl vəziyyətinin əhəmiyyətli
dərəcədə yахşılаşmаsınа səbəb оlub. Ağsаqqаllаr, аhıl vətəndаşlаr hər
cür dövlət qаyğısı ilə əhаtə оlunublar.
Tədbirdə çıxış edən Sumqayıt şəhər İcra
Hakimiyyətinin başçısı Zakir Fərəcov şəhər Ağsaqqallar Şurasının
fəaliyyətini yüksək qiymətləndirib, quruma işində uğurlar arzulayıb.
Ağsaqqallar Şurası üzvlərinin şəhərin ictimai-siyasi həyatında fəal
iştirak etdiyini vurğulayan şəhər rəhbəri bildirib ki, Şura üzvləri
şəhərdə həyata keçirilən quruculuq işlərində fəal iştirak edir, eyni
zamanda milli və mənəvi dəyərlərimizin qorunması, gənc nəslin
vətənpərvərlik ruhunda tərbiyə olunması istiqamətində də mühüm işlər
görür.
Məruzə ətrafında çıxışlarda Sumqayıt
şəhərində həyata keçirilən tikinti-quruculuq işlərinə, əldə olunan
naliyyətlərə, həmçinin ağsaqqallara göstərilən qayğıya görə ağsaqqallar
adından ölkə prezidentinə dərin minnətdarlıqlarını bildiriblər.
Xəbərdən istifadə edərkən istinad etmək vacibdir.
