Sumqayıt Gənclər
Evində Azərbaycan Respublikasının Gənclər Fondunun maliyyə, şəhər Gənclər və
İdman Baş İdarəsinin və Gənclər Klubunun birgə təşkilatçılığı ilə "Gənc Sözü”
layihəsi çərçivəsində ikigünlük seminar-treninq keçirilib.
Layihənin
açılış mərasimində çıxış edən layihə rəhbəri Teymur Aslanov öncə şəhər Gənclər
və İdman Baş İdarəsinin rəisi Elgün Hümbətova yaradılan şəraitə görə minnətdarlığını
bildirib, layihənin Gənclər Fondunun XI qrant müsabiqəsində qalib olduğunu və məqsədin
Azərbaycan dili, natiqlik sənəti haqqında gəncləri maarifləndirmək, onlarda
ünsiyyət qurma, fikir çatdırma, vərdişlərinin formalaşmaq, mimika və jestlərdən
danışıqda istifadə qaydalarını onlara mənimsətmək olduğunu qeyd edib.
Baş İdarənin
Gənclərlə iş sektounun müdiri Ceyhun Hüseynov və Gənclər Evinin direktoru Pəri
Vəliyeva çıxışlarında ölkədə uğurla həyata keçirilən dövlət gənclər siyasətindən,
gənclərə göstərilən diqqət və qayğıdan, şəhərimizdə gənclərin hərtərəfli
inkişafı üçün yaradılan şəraitdən və layihənin faydalarından danışıblar.
Təlimçi
Tunar Əhmədzadə tərəfindən seminarlarda natiqlik qabiliyyəti, nitq mədəniyyətinin
önəmi, ifadəlilik bacarığı və aydın tələffüs üsulları mövzularında interaktiv
treninq verilmiş və iştirakçılara təqdim edilmiş mövzular ətrafında çıxışlar təşkil
edilib.
Sonda
iştirakçılara sertifikatlar təqdim olunub.
Xəbərdən istifadə edərkən istinad etmək vacibdir.
