"Sumqayıt şəhərində lift təsərrüfatının yenidən
qurulması ilə əlaqədar mühüm tədbirlər həyata keçirilir. Son iki ildə Sumqayıt
şəhərində birliyin balansında olan 305 lift yenilənib. Gələn ilin əvvəllərində
isə daha 62 lift yeniləri ilə əvəz
ediləcək. Xidmət sahəmizdə ən böyük
uğurumuz isə, intellektual idarəetmə sisteminə keçməyimizdir. Onlayn idarəetmə nəticəsində xidmət səviyyəmizin
keyfiyyəti yüksəlib və nəzarət
mexanizmi də asanlaşıb. 24 saat müddətində
dispetçer xidmətimiz fəaliyyətdədir və əhaliyə xidmətin keyfiyyətinin
qalxması deməkdir. 2019-cu ildə şəhərimizin 70 illik yubileyi münasibəti ilə
bütün liftlər intellektual idarəetmə sisteminə keçiriləcək".
Bu sözləri Xeberle.com-a açıqlamasında Sumqayıt "Lift-Servis” Birliyinin direktoru
Cümşüd İsmiyev deyib. C. İsmiyevin sözlərinə
görə, abunə haqlarının yığılmasında elə
də ciddi problemlə üzləşməyiblər.
Birlik direktoru onu da bildirib ki, rəhbərlik etdiyi
qurum bayram günlərində gücləndirilmiş iş rejimində işləyəcək: "Əhalinin
istirahət günlərində lift xidmətində heç bir problem yaşanmayacaq".
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
