Bununla yanaşı, şəhərimizdə hələ də müəyyən problemlər qalmaqdadır. Şəhər əhalisinin istəklərini və onların gözündə çatışmayan tərəfləri daha dəqiq öyrənmək üçün sosial şəbəkədə "Sumqayıt şəhərində çatışmayan nələr var?” adlı sorğu keçirdik. Sorğunun nəticələri ilə sizi də tanış edirik.

Çoxluq şəhərimizdə kinoteatrların yoxluğundan şikayətçidirlər. Şəhər gəncləri "Nə vaxta qədər kinoya baxmaq üçün durub burdan paytaxta getməliyik" deyə münasibət bildiriblər.

Yeri gəlmişkən, qeyd edək ki, hazırda "Nizami" kinoteatrının müasir tələblərə uyğun olaraq yenidən inşa olunması həyata keçirilir.

Qəribə səslənsə də, Sumqayıt şəhərində yalnız sumqayıtlıların olmasını istəyənlər də tapıldı.

Yüksək əməkhaqqı ilə iş yerlərinin açılması, bəzi mikrorayon və məhəllələrdə istilik sisteminin olmaması, küçələrdə piyada səkilərinin günü-gündən darlaşdırılması, zoopark, universitetlərdən bəzilərinin şəhərimizdə olması, turizmin inkşafı üçün infrastrukturun genişləndirilməsi kimi istəklər daha çox üstünlük təşkil edir.

Hər şeyə rəğmən, əminik ki, şəhərimizin abadlığı uğrunda görülən işlər siyahısında şəhər əhalisinin istəkləri də yer alacaq. Sadəcə hər şeyin vaxtı və zamanı var. Bu gün demək olar ki, abad şəhərimizdə dam örtüyü yenilənməmiş bina, abadlaşmamış küçə yoxdur. Bakı Dənizkənarı Parkına həsədlə baxarkən düşünməzdik ki, şəhərimizdə də Bulvar olacaq.

Xeberle.com