Xeberle.com-a verilən məlumata görə, hesabat yığıncağında rayon İcra Hakimiyyətinin başçısıMalik İsaqov və rayonun idarə, müəssisə və təşkilat rəhbərləri iştirak edib. Hesabat yığıncağını giriş sözü ilə Zilanlı kənd inzibati ərazi dairəsi üzrə nümayəndəsi Telman Cabbarov açaraq 2018-ci ildə respublikada, rayonda və eyni zamanda nümayəndəlikdə görülmüş işlər barədə məruzə ilə çıxış edərək geniş məlumat verib.

Sonra nümayəndəlik əraizisndə yaşayan sakinlər Süleyman Cabbarov, Xuraman Məmmədova, Salman Qasımov və İlahəHümbətova çıxış edərək respublikada və rayonda görülmüş işləri yüksək qiymətləndirərək ölkə rəhbərliyinə minnətdarlıq bildiriblər vənümayəndəliyin işindən razı qaldıqlarını deyiblər.

Sonda Rayon İcra Hakimiyyətinin başçısı Malik İsaqov çıxış edərək ötən il respublikada aparılan geniş miqyaslı quruculuq işlərindən ətraflı bəhs edib. Ölkə Prezidenti İlham Əliyevin apardığı uğurlu daxili və xarici siyasətinin mahiyyəti barədə yığıncaq iştirakçılarına geniş məlumat verib. Ölkənin dinamik inkişaf yolunda olduğunu konkret faktlarla iştirakçıların diqqətinə çatdırıb. M.İsaqov 2018-ci ildə rayonda da xeyli işlərin görüldüyünü bildirərək bu işlərin cari ildə də davam etdiriləcəyini vurğulayıb.O, rayonda ictimai-siyasi vəziyyətin sabit olduğunu bildirərək rayon əhalisinin bütövlükdə Azərbaycan Respublikasının Prezidenti İlham Əliyevin siyasətini dəsdəklədiyini bildirib. Əlavə olaraq cari ildə görəcəkləri işlərdən və kənd sakinlərini maraqlandıran suallara ətraflı izahat verib.

Sonda qərar qəbul edilərək nümayəndəliyin işi kafi qiymətləndirilib.