Sumqayıt şəhər Gənclər və İdman baş idarəsinin və Gənclər evinin təşkilati dəstəyi ilə "Mənəvi dəyərlərə bağlı gənclik” layihəsi çərçivəsində elan edilmiş videosüjet müsabiqəsinin ilk mərhələsi keçirilib.
Xeberle.com Gənclər və İdman Nazirliyinin saytına istinadla xəbər verir ki, layihə rəhbəri Tunar Əhmədzadə əsas məqsədin gənclər arasında ictimai məsuliyyət hissinin, mədəni davranış qaydalarının, vətəndaşlar arasında mədəni dialoqun təbliği olduğunu vurğulayıb. Bildirilib ki, layihə çərçivəsində keçirilən müsabiqəyə təqdim olunan ssenarilərdən səkkizi çəkilişə uyğun hesab edilib.
Layihənin eksperti Teymur Aslanlı, Sumqayıt Dövlət Dram Teatrının gənc aktyoru Şəmistan Süleymanov, rejissor Ozal Abbasov çıxışlarında layihənin gənclərin ictimai məsuliyyətinin inkişafına, rejissorluq sahəsində bacarıqlarının üzə çıxarılmasına, məsuliyyət hissinin artırılmasına, etik norma və qaydalara əməl etmələrinə, milli-mənəvi dəyərlərimizin qorunub saxlanılmasına və təbliğinə müsbət təsir edəcəyini vurğulayıblar.
Sonra videosüjetlərə baxış keçirilib. Ekspertlərin qərarına əsasən, Sumqayıt Gənclər evinin hazırladığı "Siqaretə son” və Gənclər Klubunun "Fiziki məhdudiyyətli şəxslərə diqqət!” videosüjetləri müvafiq olaraq birinci və ikinci yerlərə layiq görülüb.
Xəbərdən istifadə edərkən istinad etmək vacibdir.
