Sumqayıt
Regional Mədəniyyət İdarəsinin Sumqayıt şəhər S.Vurğun adına Mərkəzi
kitabxanasında Azərbaycanın Milli Qəhrəmani Qorxmaz Abış oğlu Eyvazovun
xatirəsinə həsr olunmuş tədbir keçirilib.
Tədbiri giriş
sözü ilə açan uşaq şöbəsinin müdiri Yeganə Hüseynova vətənpərvərlik ruhunda
keçirilən tədbirlərin bundan sonra da ardıcıl olaraq davam edəcəyini vurğulayıb.
Bildirib ki, belə tədbirləri təşkil etməkdə məqsəd uşaqlarda vətənpərvərlik
ruhunun aşılanması, onlara qəhrəmanlarımızı tanıtmaq məqsədi güdür.
Sonra Qorxmaz
Eyvazova həsr edilmiş filmin müəllifi, yazıçı Hafiz İmamnəzərli Milli
Qəhrəmanın həyatı və keçdiyi şərəfli döyüş yolu haqqında məlumat verib.
Daha sonra 5
saylı orta məktəbin müəlliməsi Şəlalə Məmmədova və digər çıxış edənlər tədbirin
əhəmiyyətindən danışıb, oxucular Aynur kərimova və Cavidan Mirzəzadənin
ifasında vətənpərvərlik ruhunda şeirlər dinlənilib.
Sonda Milli
Qəhrəmanın oğlu Asəm Eyvazov çıxış edərək ailə üzvləri adından tədbirin ərsəyə
gəlməsində əməyi olan hər kəsə təşəkkürünü bildirib.
Tədbirdə Milli
Qəhrəman Qorxmaz Eyvazovun həyatı, fəaliyyəti, keçdiyi şərəfli döyüş yolunu əks
etdirən kitab və dövrü mətbuat materiallarını əks etdirən sərgi nümayiş olunub.
Xəbərdən istifadə edərkən istinad etmək vacibdir.
