“ARDNŞ-ın “Azəriqaz” İstehsalat Birliyində strukturun təkmilləşdirilməsi işləri həyata keçirilir”. Bunu açıqlamasında “Azəriqaz”ın ictimaiyyətlə əlaqələr şöbəsinin müdiri Araz Ağayev bildirib. Onun sözlərinə görə, artıq bu işlərə start verilib: “Zaqatala Regional Qaz İstismar İdarəsinin yaradılması ilə əlaqədar Oğuz, Şəki, Qax, Zaqatala, Balakən rayon qaz istismar sahələrinin əməkdaşlarına bununla bağlı bildirişlər paylanılıb. Çünki həmin qurumlarda çalışanlar strukturun təkmilləşdirilməsi işlərindən xəbər tutmalıdırlar”.

İB-in sözçüsü rayon qaz istismar sahələrinin ləğv edilməsi məsələsini də istisna etməyib: “Hələlik Zaqatalada regional idarə yaradılıb.  Bundan sonrada “Azəriqaz”da strukturun təkmilləşdirilməsi işləri davam etdiriləcək”.

/lent.az/