ADRA açıq məkandakı reklamlara baxış sayını müəyyənləşdirən
texnologiyanın tətbiqini nəzərdən keçirir.
Bu haqda razılıq agentliyin nümayəndə heyətinin Türkiyəyə etdiyi işgüzar
səfər zamanı əldə olunub.
Agentlikdən Xeberle.com-a verilən məlumata görə, qabaqcıl
dünya təcrübəsi və reklam sahəsində beynəlxalq yeniliklərlə tanış olmaq məqsədilə
agentliyin Monitorinq və nəzarət şöbəsinin müdiri Emin
Baxşəliyevin rəhbərlik etdiyi nümayəndə heyəti İstanbul şəhərində bir sıra əhəmiyyətli
görüşlər keçirib.Nümayəndə heyətinin qatıldığı toplantılarda hər iki ölkənin
reklam bazarında tənzimləmə prosesi, bu sahənin inkişafı yolları, eləcə də qarşılıqlı
fikir mübadilələri aparılıb. Reklam sahəsində rəqəmsal texnologiyaya keçid,
innovativ yeniliklərin tətbiqi, həmçinin açıq məkanda reklamların yayım
effektivliyinin artırılması üsulları və s. mövzularda müasir standartlar nəzərdən keçirilib. Görüşlərdə
Türkiyə nümayəndələrinə ADRA, onun fəaliyyəti
və ölkənin açıq məkanda reklam mühiti barədə ətraflı məlumat verilib,
pesrpektivlər və planlar barədə danışılıb. Gələcəkdə bu sahəyə dair müştərək seminar
və təlimlərin keçirilməsi qərara alınıb. İstanbul Böyük Şəhər Bələdiyyəsi nəzdindəi
qurum rəsmiləri ilə görüşdən sonra ADRA təmsilçiləri reklam daşıyıcılarının
istehsalı ilə məşğul olan zavodu ziyarət ediblər.
Qeyd edək ki, reklam sahəsinə aid beynəlxalq təcrübənin
Azərbaycanda tətbiqi üçün ADRA nümayəndələrinin bir sıra xarici ölkələrə səfərləri
planlaşdırılır.
Xəbərdən istifadə edərkən istinad etmək vacibdir.
