Martın 15-də Azərbaycan Respublikasının Qida Təhlükəsizliyi Agentliyinin Sumqayıt Regional bölməsi Sumqayıt şəhəri Yeni Azərbaycan Partiyasının inzibati binasında "Ticarət şəbəkələrində aparılan dövlət nəzarəti və monitorinqlər nəticəsində aşkarlanmış uyğunsuzluqlar və onların həlli yolları” mövzusunda ticarət şəbəkələrinin rəhbərləri ilə maarifləndirici görüş keçirib. Görüşdə Agentliyin və Azərbaycan Qida Təhlükəsizliyi İnstitutunun əməkdaşları da iştirak edib.
Görüşdə ölkədə qida təhlükəsizliyinə nəzarət sistemini təkmilləşdirmək, bu sahədə şəffaflığı daha da artırmaq, pərakəndəliyi və təkrarlanmaları aradan qaldırmaq, habelə qida məhsulları istehlakçılarının hüquqlarının müdafiəsi sahəsində və "tarladan süfrəyədək” prinsipi əsasında məhsulun daşıdığı risk səviyyəsinə uyğun olaraq qida məhsulları istehsalının bütün mərhələlərində dövlət nəzarətinin həyata keçirilməsini təmin etmək məqsədilə Azərbyacan Respublikasının Qida Təhlükəsizliyi Agentliyinin yaradıldığı vurğulanıb.
Daha sonra "Ticarət şəbəkələrində aparılmış yoxlamaların nəticəsində aşkarlanmış uyğunsuzluqlar və mövcud olan problemlərin həlli yolları” mövzusunda təqdimat iştirakçılara təqdim olunub, AQTİ-nin fəaliyyət istiqamətləri haqqında ətraflı məlumat verilib.
Sonda sahibkarları maraqlandıran suallar cavablandırılıb.
Xəbərdən istifadə edərkən istinad etmək vacibdir.
