"Yeni Saray qəsəbəsi Rza Təhmasib küçəsi ev 12-də yaşayan Hüseynov Raqif Əjdər oğluna 1999-cu ildə Abşeron rayon İcra hakimiyyəti tərəfindən Saray nümayəndəliyi üçün ayrılmış 24 hektar fərdi yaşayış üçün nəzərdə tutulmuş torpaq verilib. Vətəndaş torpağı aldığı ildən də torpaq sahəsində ev tikərək yaşayır. 2001-2003-cü illər ərzində ailənin bu ərazidə yaşayaraq kommunal xidmətlərə etdiyi ödənişlərin müqavilələri də var. Ev tikiləndən 14 il sonra Gülmalıyev Vahid Abbas oğlu adlı vətəndaş Əmlak komitəsindən çıxarış alaraq torpağın ona məxsus olduğunu iddia edir. Vətəndaş bu torpağın o məxsus olduğunu sübut edən çıxarış təqdim edir və bunun əsasında da evin sökülməsi qərarı verilib".
Bu barədə Xeberle.com -a açıqlamasında Raqif Hüseynovun vəkili Əhməd Çingizxan bildirib: "2019-cu il 1 mart tarixində dövlət əmlak komitəsi yanında reystir xidməti baş idarəsinə rəsmi sorğu göndərmişəm. Sorğuya cavab olaraq Hüseynov Raqif Əjdər oğlu ilə Gülmalıyev Vahid Abbas oğlunun torpaqlarının kordinatları üst-üstə düşmür. Belə olan halda isə əraziyə ekspert baxış keçirməlidir və Gülmalıyev Vahid Abbas oğluna aid torpağın harada olduğunu aydınlaşdırmalıdır. İcra bunu bilir, lakin mütəxəssis dəvət etmir. Əvəzində isə evin sökülməli olduğunu iddia edir. Evdə 10 nəfərdən ibarət ailə yaşayır. Məhkənin bu qərarından sonra mən Azərbaycan Respublikası Ali Məhkəməsinin plenumuna yeni açılmış hallar üzrə kasasiya şikayəti vermişəm və reystr xidmətinin məktubunu ora təqdim etmişəm. Reyestr xidmətinin bizim sorğuya cavab olaraq göndərdiyi məktubda bu torpaqların kordinasiyalarının üst-üstə düşmədiyi göstərilir. Ali məhkəmə 1 ay müddətində bizə cavab verməlidir".
Ümidvarıq ki, problem tezliklə həllini tapacaq.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.