Bu gün Sumqayıt  şəhər Bələdiyyəsi ötən ilin yekunlarına həsr olunmuş hesabat yığıncağı keçirib.  Toplantıda  Milli Məclisin Regional məsələlər komitəsinin sədri  Arif Rəhimzadə, Ədliyyə Nazirliyi Bələdiyyələrlə İş Mərkəzinin rəisi  Mehdi Səlimzadə və məhəllə komitə sədrləri  və bələdiyyə nümayəndələri iştirak ediblər. Hesabat yığıncağında Sumqayıt  şəhər  Bələdiyyəsinin sədri Əbülfəz Babayev geniş məruzə ilə çıxış edib və ötən ildə bələdiyyənin gördüyü işlərdən danışıb. Artıq öz həllini tapmış problemlər və gələcəkdə həlli nəzərdə tutulmuş problemlər barədə məlumat verib. 

Milli Məclisin Regional məsələlər komitəsinin sədri  Arif Rəhimzadə, Ədliyyə Nazirliyi Bələdiyyələrlə İş Mərkəzinin rəisi  Mehdi Səlimzadə təkliflərlə çıxış ediblər.  Mehdi Səlimzadə  Sumqayıt Bələdiyyəsinin inzibati binasının olmamasını diqqətə çatdırıb və bu məsələnin müsbət istiqamətdə həll olunması ilə bağlı bələdiyyənin sədrinə təkliflərini verib.

Hesabat konfransında yerli komitə sədrləri Solmaz Zeynəddinova, Şıxbaba Rzayev, Şahlar Vəliyev və İndira Şəmsivari çıxış ediblər  və cari məsələr barədə məlumat veriblər. Komitə sədrləri Bələdiyyənin ötən ilki fəaliyyətini müsbət qiymətləndiriblər və yerli problemlərin həlli ilə bağlı öz təkliflərini irəli sürüblər.

Həcər Abbaslı, xeberle.com

 Video və fotolar Ömürtay Şükürlününüdür