Tədbirdə çıxış edən Baş İdarənin Gənclərlə iş sektorunun müdiri Ceyhun Hüseynov Azərbaycan ədəbiyyatının görkəmli nümayəndələri ilə əlaqədar yubileylərin keçirilməsinin əhəmiyyətindən danışmış, tədbirin istedadlı və yaradıcı gənclərin aşkara çıxarılması, onlara öz qabiliyyətlərini nümayiş etdirmələri üçün şəraitin yaradılması məqsədilə keçirildiyini qeyd etmiş və müsabiqə iştirakçılarına uğurlar arzulamışdır.

Sonra Mərkəzləşdirilmiş Kitabxana Sisteminin şöbə müdiri Zemfira Mirzəyeva ədibin həyat və yaradıcılığı haqqında qısa məlumat verərək münsiflər heyətini iştirakçılara təqdim edib.

Müsabiqədə iştirakçıların ifasında Cəlil Məmmədquluzadənin əsərlərindən monoloqlar və felyetonlar səsləndirilmişdir.

Münsiflər heyətinin qərarına əsasən I yerə Emil Həmidov və Şərbətəliyeva Nuranə, II yerə Vəliyeva Fatimə və Bədəlli Nihat, III yerə isə Səfərli Aynur və Mahmudova Lətifə layiq görülüblər.

Sonda qaliblərə Gənclər və İdman Baş İdarəsinin xatirə hədiyyələri təqdim edilib.