“Hesabat dövründə Bələdiyyənin iclaslarında 657 məsələ müzakirə edilib və onların əksəriyyətinin həllinə nail olunub. Bələdiyyə qərarlarının icrası Bələdiyyə aparatının həftəlik 131 müşavirəsində daim təhlil edilərək, nəzarətdə saxlanılıb İl ərzində Sumqayıt Bələdiyyəsinə 1519 xidməti məktub və 2387 ərizə daxil olub, müxtəlif müraciətlərlə bağlı Bələdiyyə rəhbərliyi və icra aparatı tərəfindən 2124 nəfər vətəndaş qəbul edilib”

Bu sözləri “Xeberle.com”-a  Sumqayıt Bələdiyyəsinin sədri Əbülfəz Babayev rəhbərlik etdiyi qurumun  2013-cü  ildəki fəaliyyətini təhlil edərkən deyib. Ə. Babayev bildirdi ki, şəhər ərazisində Sumqayıt Bələdiyyəsinin bütün mikrorayon və məhəllələri əhatə edən 127 məhəllə komitəsi fəaliyyət göstərir ki, onlardan da 28-i öz funksiyalarını bilavasitə mənzil-istismar sahələri olmayan ərazilərdə yerinə yetirir və vətəndaşların yerli problemlərlə bağlı müraciətlərinin həlli sahəsində müvafiq iş aparırlar.

Məhəllə komitələrini fəaliyyətindən danışan Ə. Babayev 2013-cü ildə Sumqayıt Bələdiyyəsinin məhəllə komitələrinin əhalini narahat edən məsələlərlə bağlı müvafiq ərazilərdə 196 layihə həyata keçirdiyini sözlərinə əlavə edib.

Xeberle.com