Sumqayıt
şəhər Gənclər və İdman Baş İdarəsinin təşkilatçılığı ilə 25 iyun 2019-cu il
tarixində Gənclər Evində "Narkomaniya və Narkobiznesə qarşı Beynəlxalq Mübarizə
günü” ilə əlaqədar "Sağlam Gənclik üçün Narkomaniyaya Yox Deyək”
devizi altında maarifləndirici xarakterli görüş keçirilmişdir.
Görüşdə
Sumqayıt Rayonlararası Narkoloji Dispanserin, Gənclər və İdman Baş İdarəsinin əməkdaşları,
müxtəlif sahələri təmsil edən gənclər, orta ümumtəhsil məktəblərinin şagirdləri
iştirak emişlər.
İlk öncə
iştirakçılar Baş İdarənin təqdim etdiyi "Ampula” adlı narkomaniyanın ağır
fəsadlarını özündə əks etdirən filmi izləmişlər.
Görüşdə çıxış
edən şəhər Gənclər və İdman Baş İdarəsinin rəisi Elgün Hümbətov Respublikamızda
narkomaniya və narkobizneslə mübarizənin ən üst səviyyədə aparıldığını, bu
sahəyə cavabdeh olan dövlət orqanları ilə yanaşı, QHT-lər, ictimai
təşkilatların da fəallığının artırıldığını qeyd etmişdir. Bildirildi ki, Sumqayıt
şəhərində də narkomaniya əlehinə mütəmadi olaraq tədbirlər keçirilir, yeniyetmə
və gənclərə narkomanların acı taleyi, narkomaniyanın fəsadları və nəticələri,
ondan qorunmağın yolları barədə məlumatlar verilir.
Digər çıxış
edənlər Gənclər Evinin direktoru Pəri Vəliyeva, Narkoloji Dispanserin həkimi Ramil
Qarayev, Qızıl Aypara Cəmiyyətinin şəhər Bölməsinin gənclərlə iş üzrə
təlimatçısı Lalə Cəlilzadə narkomaniyanın fiziki, sosial və maddi təsirləri
barədə danışaraq gənclərə bu dəhşətli bəla ilə mübarizədə aktiv olmağı tövsiyə
etdilər.
Sonda mövzu
ətrafında iştirakçılarla fikir mübadiləsi aparılmış, sualları cavablandırılmış
və Baş İdarənin hazırladığı maarifləndirici xarakterli bukletlər iştirakçılara
paylanılmışdır.
Xəbərdən istifadə edərkən istinad etmək vacibdir.
