Körpə Həsənə əməliyyat olunmadığı təqdirdə bir ay vaxt qoyulub.

"Qafqazinfo” xəbər verir ki, 3 aylıq körpənin atası Xəqani Abdulov övladının vəziyyətinin getdikcə pisləşdiyini bildirib. Onun sözlərinə görə, ailə günlərlə ağladığı üçün körpəni Sumqayıtda sahə həkiminə aparıb və müayinə zamanı uşağın vəziyyətinin ağır olduğu məlum olub: "Uşağı təcili Bakıya aparmağımızı məsləhət gördülər. Tibb Universitetində Həsənin ciddi ürək problem olduğunu bildirdilər. Ürəyində 2 dəlik var, qulaqcığın biri yoxdur. Sol mədəcik yetərincə yüklənmir. Sol atriumun üstündə xüsusi boşluq var ki, bütün venalar boşluğa açılır. Ürək qanı digər orqanlara vurur və nəticədə orqanizmdə zəhərlənmə yaradır. Bağırsaqlarda sorulma getmədiyi üçün uşaq inkişafdan qalıb. Bu ayın 5-də alman həkimlərə də göstərdik, onlar da vəziyyətin ciddi olduğunu təsdiqlədilər. Uşaq 1 ay içində əməliyyat olunmasa, onu itirəcəyik”.

X. Abdulovun sözləriinə görə, uşaq "Neftçilər” xəstəxanasında 1 ay müddətində əməliyyat olunmalıdır və bunun üçün 7-13 min manat arasında xərc çıxacağı bildirilib. Hazırki şəraitdə ailənin bu məbləği ödəyəcək imkanı yoxdur və körpələrinin həyatda qalması üçün bütün imkanlı şəxslərdən və Heydər Əliyev Fondundan kömək istəyir.

Ailəyə kömək etmək istəyənlər üçün əlaqə nömrəsi: 050 567 33 69