"Qadın Təşəbbüsü və Sosial Problemlərin
Həllinə Yardım” İctimai Birliyi Azərbaycan Respublikası Prezidenti Yanında
Qeyri-Hökümət Təşkilatlarına Dövlət Dəstəyi Şurasının maliyyə dəstəyi ilə
"Məcburi əməyin qarşısının alınması sahəsində qabaqlayıcı tədbirlərin icrası”
adlı layihənin icrasını həyata keçirdir.
"Qadın Təşəbbüsü və Sosial Problemlərin
Həllinə Yardım” İctimai Birliyi 2003-cü ildə təsis edilmiş və 2005-ci ildə
dövlət qeydiyyatından keçmişdir. Təşkilatın əsas missiyası qadın və uşaqların
hüquqlarının müdafiəsini həyata keçirtmək, ailələrin inkişaflarına dəstək
verməkdən ibarətdir. Təşkilat bu missiyasına uyğun olaraq onlarla layihə və
proqramlar icra etmişdir. Təşkilat artıq 10 ilə yaxın müddətdir ki, insan
alverinə qarşı mübarizə sahəsində layihələri icra edir. 2019-cu ildə icra
edilən "Məcburi əməyin qarşısının alınması sahəsində qabaqlayıcı tədbirlərin
icrası” adlı layihə də insan alverinin qarşısının alınması sahəsinə aid
tədbirlərin bir hissəsidir. Belə ki, beynəlxalq təşkilatlar tərəfindən aparılan
araşdırmaların nəticəsində məlum olmuşdur ki, insan alverinin qurbanı kimi
məcburi əməyə və əməyin istismarına cəlb edilən şəxslərin sayı insan alverinin
digər formalarda qurbanı olmuş şəxslərin sayından daha çoxdur. Təşkilat bu araşdırmaların
nəticələrinə uyğun olaraq bu il məhz məcburi əməyin və əməyin istismarının
qarşısının alınması sahəsində tədbirlərin təşkilinə üstünlük vermişdir.
İcra edilən Məcburi əməyin qarşısının
alınması sahəsində qabaqlayıcı tədbirlərin icrası” layihəsi çərçivəsində
müxtəlif tədbirlərin təşkili nəzərdə tutulmuşdur. Bu tədbirlər benefesiarlara
(layihədən faydalananlara) və onların ailə üzvlərinə pulsuz hüquqi və psixoloji
xidmətin təşkili, maarifləndirici və sair tədbirlərin təşkilindən ibarətdir. Qadın
Təşəbbüsü və Sosial Problemlərin Həllinə Yardım” İctimai Birliyi ofisdə
yaradılmış xidmət mərkəzinə müraciət edənlərin statistikası, uğur hekayələrinə
dair məlumatları mütəmadi olaraq ictimayyətlə bölüşür.
Layihə çərçivəsində maarifləndirmə kompaniyasının
bir hissəsi olaraq 06.07.2019-cu il tarixində Şamaxı rayonun ən qədim
kəndlərindən olan Dəmirçi kəndində yerli
əhali ilə görüş keçirilmişdir. Görüş seminar xarakterli olmuş və layihənin
istiqamətinə uyğun olaraq məcburi əməyin qadağan edilməsi sahəsinə aid
olmuşdur.
Dəmirçi kəndində təşkil edilən seminarda
yaxın kəndlərin yerli əhalisi, kənd bələdiyyələrinin üzvləri iştrak
etmişdirlər. Tədbiri çıxış sözü ilə açan Təşkilatın və icra edilən layihənin
rəhbəri Zenfira xanım Mustafayeva Təşkilat barədə, layihəni maliyyələşdirən
Donor Təşkilat barədə və ümumilikdə layihə barədə ətraflı məlumat vermişdir.
Seminarda layihəyə cəlb edilmiş Nəzakət xanım Balabəyova moderatorluq (aparıcı)
etmiş və layihənin mövzusuna uyğun məlumatları iştrakçıların nəzərinə çatdırmışdır.
Layihəyə mütəxəssis hüquqşunas kimi cəlb edilən Ruslan Mustafazadə də seminarda
çıxış etmişdir.
Təşkilat ilk öncə Şamaxı rayon İcra
Hakimiyyətinə tədbirin təşkilində verilən dəstəyə öz minnətdarlığını bildirir.
Dəmirçi kənd Bələdiyyəsinin sədri və digər üzvlərinin də seminara verdikləri
dəstək nəticəsində olduqca maraqlı tədbirin təşkili münkün olmuşdur.
Qeyd edək ki, layihənin icrası davam edir və
layihə çərçivəsində təşkil ediləcək tədbirlər barədə mütəmadi olaraq məlumatlar
paylaşılacaqdır.
Xəbərdən istifadə edərkən istinad etmək vacibdir.