Avropa Bakının ikitərəfli ilə enerji layihələrindən imtina edəcəyi barədə narahatdır.
Avropa dövlətləri Azərbaycanla həyata keçirilən enerji layihələrinin təxirə salınmasından narahatdır. 

 Bu narahatlıq Brüsseldə fəaliyyət göstərən nüfuzlu "EurActiv” xəbər portalında yayımlanan məqalədə öz əksini tapıb.

"TAP və DESFA"Avropa Parlamentində qəbul edilmiş qətnamə rəsmi Bakının Avropa ilə əlaqəli iri enerji layihələrin həyata keçirilməsində marağını azalda bilər.”-deyə müəlif məqalədə yazıb.

Müəllif məqaləni Avropa Parlamentində keçirilmiş səsvermədən sonra TAP və DESFA -nın qeyri-müəyyən gələcəyi adı altında dərc edib.

Jurnalist Avropa Parlamentində qəbul edilmiş məlum qətnamənin Azərbaycanda geniş əks-səda doğurduğunu və rəsmi Bakının Avropa ilə əlaqəli iri enerji layihələrin həyata keçirilməsində marağının azala biləcəyinə işarə vurur.

Müəllif Avropa Parlamentinin Xarici Əlaqələr Komitəsinin rəhbəri Elmar Brokun qətnamənin qəbulu zamanı prosedur qaydaları pozuntusuna yol verildiyini, məsələnin komitələr çərçivəsində müzakirə olunmalı, daha sonra səsverməyə çıxarılmalı olduğunu bildirdiyini oxucuların diqqətinə çatdırır.


Avropa Parlamenti


E.Brokun "əks təqdirdə Azərbaycanı itirə bilərsiniz” şəklində xəbərdarlıq etdiyini də xatırladan müəllif Azərbaycan parlamentinin məsələ ilə əlaqədar növbədənkənar iclas keçirdiyini və qəbul edilmiş qətnamənin Azərbaycana qarşı qərəzli münasibətin olması ilə əlaqələndirdiyini diqqətə çatdırır.



Millət vəkili Aydın Mirzəzadənin fikirincə, belə məqalələr Avropada Azərbaycanın önəmini anlayan dairələrin mövqeyini ifadə edir: "Avropada müxtəlif nüfuz dairələri var. Elə vaxtlar olur ki, birinin verdiyi qərarla digəri razılaşmır. Yəqinki, Azərbaycana qarşı qətnamələrlə bağlı da dairələr arasında fikir ayrılıqları olub."

Aydın Mirzəzadə bildirir ki, Avropanın bəzi dairələri Azərbaycanla münasibətlərin pozulmasını istəmir: "Son vaxtlar Avropanın bəzi mətbuat orqanlarında belə məqalələr dərc edilir. Məqalələr Azərbaycan tərəfinin qətnamələri sərt tənqid etməsindən sonra yazılır. Belə qətnamələrlə Avropanın müəyyən dairələri Azərbaycanın müstəqilliyinin möhkəmliyini yoxlayırlar. Avropanın bəzi dairələrinin düşünülməmiş qərarları Azərbaycanı bir sıra məsələlərə yenidən baxması ilə nəticələn bilərdi. Amma Azərbaycan Ermənistandan başqa dövlətlər pis münasibəti yoxdur.”


Aydın Mirzəzadə - millət vəkili


Müəllif yazısında siyasi məsələlərlə bağlı iqtisadi məsələlərədə toxunub. Jurnalist Azərbaycanın Avropa İttifaqının qaz təchizatının diversifikasiyasında mühüm rol oynadığını xatırladaraq, Cənub Qaz Dəhlizi və onun tərkib hissəsi olan TAP layihəsi barədə məlumat verir və bu dəhlizin inşasının xüsusilə Cənub-Şərqi Avropa ölkələrinin Rusiya qazından asılılığının azaldılması üçün ilk real addım olduğunu qeyd edir.

Məqalədə eyni zamanda, SOCAR -ın Yunanıstanın qaz paylayıcı şəbəkəsi olan DESFA-nın hissələrinin 66%-nin sahibi olduğu və bu hissələrə Avropa İttifaqının təkidi ilə yiyələndiyi, lakin 2014-cü ilin noyabrında Avropa Komissiyası tərəfindən bu sövdələşmənin Avropa İttifaqının Üçüncü Enerji Paketi ilə uyğunluğunun araşdırılması üçün təhqiqatın başlandığı xatırladılır.



Millət vəkili Vahid Əhmədov deyir ki, qəbul edilən qətnamənin Avropa ilə birgə həyata keçirilən neft və qaz layihələrinin gələcəyini sual altında qoya bilməz.

"Əvvələr ildə bir dəfə Avropa enerji müqavilələrinə baxırdısa, indi bu tədbir bir neçə dəfə həyata keçirilir. Buna səbəb isə Rusiya ilə Avropa arasında yaranan soyuq münasibətlərdir. Ona görə də Avropanın özünün bizim qazımıza və neftimizə ehtiyacı var. TANAP və TAP Avropa ölkələri üçün önəmli olduğu qədər Azərbaycan üçündə vacib layihədir. Azərbaycan tərəfdən bu layihələrin təxirə salınması nəzərdə tutulmur." 


Vahid Əhmədov - millət vəkili


Məlumdur ki, Azərbaycanın 2016-cı il üçün nəzərdə tutulan dövlət büdcəsində bəzi ixitsarlar həyata keçirilir. Azərbaycan ikitərəfli və çoxtərəfli enerji layihələrinə önəm verir. Bu səbəddəndir ki, gələn ilin dövlət büdcəsində belə layihələrin Azərbaycan üçün vacibliyi nəzərə alınaraq təxirə salınmayıb. Avropa mediasında yazılan məqalələr isə onların özlərinin qəbul etdikləri qətnamələrlə bağlıdır. Bu ölkələrin əsas məqsədi Avropanı Rusiyanın qaz əsarətindən qurtarmaqdır. Ona görə də Azərbaycanla qaz və neft layihələrinə ehtiyyatla yanaşırlar. 

Avropa mətbuatında belə məqalələrin dərc edilməsi isə avqustun 10-da Avropa Parlamenti (AP) Azərbaycanla bağlı qətnamələrin qəbul edilməsindən sonra gündəmə gəlib. Qətnamədə parlamentarilər Azərbaycanı tənqid edərək insan haqları müdafiəçilərinin, jurnalist və digər vətəndaş cəmiyyəti fəallarının tez və şərtsiz azad edilməsinə çağırıblar. Qətnamədə Azərbaycanla Strateji Əməkdaşlıq Razılaşması üzrə danışıqların dayandırılmasına çağırılır. (ANS PRESS)