Sumqayıtda həvəskar tennisçilərin mübarizəsi başa çatıb

Sumqayıtda həvəskar tennisçilərin mübarizəsi başa çatıb - FOTOLAR

Tarix: 4-11-2014, 12:16 Oxunma sayı: 1 650 Bölmə: Cəmiyyət / Sumqayıt

«Azərikimya» İB-nin təşkilatçılığı ilə Sumqayıtın müəssisə, idarə və təşkilatlarından dəvət olunmuş komandalar arasında stolüstü tennis üzrə ənənəvi turnir keçirilmişdir.

Hər koman-dada 5 idmançı – iki qadın, üç kişi olmaqla Dairəvi sistem üzrə keçirilən yarışlarda «Azə-ri-kimya» İB-nin baş ofisinin, Etilen-polietilen zavodunun, Təmir tikinti İdarəsinin komandaları ilə bərabər , Fövqəladə Hallar Nazirliyinin Yanğından Mühafizə Xidmətinin, Sumqayıt şəhər Təhsil şöbəsinin, Sumqayıt Dövlət Universitetinin, Azərbaycan Müəllimlər İnstitutunun Sumqayıt filialının, Respublika Qızıl Aypara

Cəmiyyətinin Sumqayıt şəhər təşkilatının, YAP Sumqayıt şəhər təşkilatının, ARDNŞ-nin Təlim-Tədris və Sertifikatlaşdırma İdarəsinin Sumqayıt Təlim, Tədris Mərkəzinin və Qafqaz Universitetinin ”Yaşıl kimyaçılar” komandaları da daxil olmaqla 12 komanda təmsil olunmuşdur.

Gərgin rəqabət və idman mübarizəsi şəraitində keşən yarışlarda maksimum fəallıq, nümunəvi oyun və qələbə əzmi nümayiş etdirən Sumqayıt Dövlət Universiteti komandası 1-ci yeri tutaraq yarışın qalibi olmuşdur. «Azərikimya» İB-nin idmançıları 2-ci, Fövqəladə Hallar Nazirliyinin Yanğından Mühafizə İdarəsinin və Sumqayıt şəhər Təhsil şöbəsinin komandaları isə müvafiq olaraq 3 və 4-cü yerləri tutmuşlar. «Azərikimya» İB Müşahidə Şurasının sədri Muxtar Babayev qalib komandaların üzvlərini təbrik etmiş, onlara yeni qələbə sevincləri arzulamışdır. Sonda «Azərikimya» İstehsalat Birliyi Həmkarlar İttifaqı Komitə-si tərəfindən qaliblərə fəxri diplomlar və pul mükafatları təqdim edilmişdir.