Daxili İşlər Nazirliyində kadr islahatları həyata keçirilib. APA TV-nin xəbərinə görə, Nərimanov RPİ 18-ci polis bölməsinin rəisi Xəqani Məmmədov Füzuli rayon Polis Şöbəsinə rəis təyin edilib. Eyni zamanda Baş Narkotiklərlə Mübarizə İdarəsinin cənub regional şöbəsinin rəisi Füzuli Şıxəliyev Beyləqan rayon polis şöbəsinə rəis təyinat alıb.

Daxili İşlər Nazirliyində bir neçə gün əvvəl keçirilən geniş kollegiya iclasında daxili işlər naziri, general-polkovnik Ramil Usubov bir neçə rayonun polis rəisinin fəaliyyətini ciddi tənqid edib. Nazir Füzuli rayon Polis Şöbəsinin rəisi Kamandar Əsədovun fəaliyyətini ciddi tənqid edib və onun rəhbəri olduğu polis şöbəsində yoxlamaların aparılması barədə aidiyyəti şəxslərə tapşırıq verib.