Bu gündən etibarən ölkədə aksiz malların plastik kartlarla satışı dayandırılıb.

Qaynar.info xəbər verir ki, bu barədə vergilər nazirinin müavini Sahib Ələkbərov AzTV-yə müsahibəsində deyib. O qeyd edib ki, sahibkarların ölkə başçısına çoxsaylı müraciətləri nəzərə alınaraq bu qərar qəbul edilib:

"Bu gündən etibarən spirtli içiklərin nağd qaydada satılmasında heç bir problem olmayacaq. Baxmayaraq ki, bütün mağazalarda post terminallar quraşdırılıb, ödəmə məntəqələrinin sayı kifayət qədərdir.  Amma alıcılar buna alışmadılar. Bu məsələni geniş təbliğ etməyə ehtiyac var. Həm də sahibkarlar müraciətlərində spirtli içkilərinin sənədləşməsi ilə bağlı problemlərin olduğunu qeyd ediblər. Bu sənədləşmə işlərinin başa çatdırılması üçün sahibkarların müraciətləri nəzərə alınıb. Bu qərar imkan verəcək ki, sahibkarlar sənədləşmə işlərini başa çatdırsınlar. Eyni zamanda mağazalarda vətəndaşlar həm nağdsız, həm də nağd formada spirtli içkilər ala bilərlər”.