Türkiyə-Azərbaycan münasibətlərini daha da inkişaf etdirmək üçün Türkiyədə Azərbaycanın daha da yaxından tanınması yönündə fəaliyyət göstərən qurum və fərdlərə dəstək olmaq məqsədiylə bu ilin aprelində Azərbaycan Qardaşlıq və İşbirliyi Dərnəyi (AQİD) ilk toplantısını keçirmişdi. Qeyd edək ki, sözügedən dərnəyin qurucuları əsasən təlim-tədris sahəsində calışan, iş adamları, həkimlər və Türkiyədə təhsil alan unverstitet gənclərindən ibarətdir. Bu barədə Xeberle.com-a Türkiyədən məlumat veriblər. Qurultayda divan başqanının seçimdindən sonra Azərbaycan və Türkiyənin müstəqilliyi, ərazi bütövlüyü naminə şəhid olan şəhidlərimiz sayqı duruşuyla anılıb və hər iki ölkənin istiqlal marşı səslənib. Daha sonra 11 nəfərlik idarə heyəti seçilib. Bundan sonra isə üç nəfərlik Nəzarət Təftiş Komissiyası müəyyən edilib. Seçim sonunda İdarə Heyyətinə dr.Asif Qurban, Cavid Əliyev, prof.dr. Afiq Berdəli, prof.dr. Urfan Nuriyev, prof.dr. Gülmirə Sadiyeva Kuroğlu, Fadil Ünal, dr. Nurlanə Axundzadə Akfidan, dr.Rövşən Şahbazov, Fərid Novruzov, Kənan Kərimov, Əsgər Nuriyev, Nəzarət Təftiş Komisiyasına isə Cahidə Ocaq, Ahmet Borek, Təranə Qaraduman seçilib. Seçilənlərin hər biri tək-tək özünü qurultay iştirakçılarına təqdim edib. Sonda qurultaya qatılan QHT, siyasi partiya nümayəndələri, unversitet müəllimləri, tələbələr, iş adamları, jurnalistlər də öz növbələrində AQİD-ə uğurlar diləyiblər.

Xeberle.com