Sumqayıt şəhər Gənclər və İdman Baş İdarəsinin təşkilatçılığı
ilə Gənclər Evində "Xəmsə” Milli
İntellektual Oyunu üzrə yeniyetmələr arasında VII Azərbaycan Çempionatının şəhər
seçim turu keçirildi. Tədbiri giriş sözü ilə açan Baş İdarənin Gənclərlə iş
sektorunun müdiri Ceyhun Hüseynov intellektual oyunun "Azərbaycan gəncliyi
2017-2021-ci illərdə” Dövlət Proqramının müvafiq bəndlərini icra etmək, gənclərin
dünya görüşünü, intellektual səviyyəsini, zehni inkişafını stimullaşdırmaq,
onlar arasında bilik və elmin nüfuzunu artırmaq, asudə vaxtlarını səmərəli təşkil
etmək məqsədilə keçirildiyini qeyd etdi.
Yarışmada ümumilikdə 8 komanda iştirak edib. Gərgin
və maraqlı şəraitdə keçən bilik yarışının sonunda I yerə Texniki və Təbiət Elmləri
Liseyinin "Zion”, II yerə Təbiət Elmləri Təmayüllü Gimnaziyanın "Kamelot”, III
yerə 31 saylı tam orta məktəbin "Qriffindor”, IV yerə "İstedad” liseyinin
"Uğur” komandası layiq görüldü. Qaliblərə Baş İdarənin medal və fəxri fərmanları
təqdim olunub.
Oyunun əsasnaməsinə uyğun olaraq ilk dördlüyə
düşmüş komandalar Çempionatın Abşeron zona seçim turunda iştirak etmək hüququ əldə
ediblər.
Xəbərdən istifadə edərkən istinad etmək vacibdir.
