Azərbaycan Respublikasının Birinci
vitse-prezidenti Mehriban xanım Əliyevanın təşəbbüsü ilə şair-filosof İmadəddin
Nəsiminin 650 illik yubileyi münasibəti ilə 6 dekabr 2019-cu il tarixdə Abşeron rayonu, St.Sumqayıt ərazisində məcburi
köçkünlər üçün salınmış şəhərcikdəki yeni parkda ağacəkmə aksiyası həyata
keçirildi. Aksiyada
rayon İcra Hakimiyyətinin
başçısı cənab Malik İsaqov, rayon İcra Hakimiyyətinin məsul işçiləri, hüquq
mühafizə orqanları, idarə, müəssisə və təşkilat
rəhbərləri, rayon ictimaiyyət nümayəndələri
iştirak edirdilər.
İlk öncə
tədbir iştirakçıları yaşayış massivində ağacəkmə
kampaniyası çərçivəsində 10000 ədəd ağac əkdilər.
Tədbirdə
çıxış edən RİH-nin başçısı Malik İsaqov qeyd etdi ki, Azərbaycan Respublikasının
Prezidenti cənab İlham Əliyevin Sərəncamına əsasən böyük Azərbaycan şairi və
mütəfəkkiri İmadəddin Nəsiminin 650 illik yubileyi ilə əlaqədar 2019-cu il "Nəsimi
ili” elan olunub. Xatırladaq ki, dahi şairin 600 illik yubileyi xalqımızın
ümummilli lideri Heydər Əliyevin təşəbbüsü ilə təntənəli surətdə keçirilib.
Böyük söz ustadının 600 illiyi UNESKO-nun əlamətdar tədbirləri siyahısına daxil
edilərək 1973-cü ildə ilk dəfə beynəlxalq miqyasda qeyd olunub. Onun poetik
irsi qədim köklərə və çoxəsrlik ənənələrə malik Azərbaycan ədəbiyyatı tarixində
xüsusi mərhələ təşkil edir. Nəsimi poeziyasının fəlsəfəsi təbiət gözəlliklərinin,
saf bəşəri duyğuların, şəxsiyyət azadlığının tərənnümü üzərində qurulub və Azərbaycan
ədəbiyyatının daha da zənginləşməsində misilsiz rol oynayıb.
Daha
sonra çıxış edən Qubadlı rayon Şəhər-4 saylı kənd tam orta məktəbin şagirdləri
qeyd etdilər ki, aksiyanın dahi şairin xatirəsinin
əbədiləşdirilməsi baxımından xüsusi əhəmiyyət daşıdığını, bu təşəbbüsün Nəsimi
irsinin daha geniş təbliği ilə bərabər, ölkəmizin yaşıllıqlar diyarına çevriləcəyi,
ətraf mühitin mühafizəsi, hava məkanının sağlamlaşdırılması və iqlimin
yaxşılaşdırılmasına böyük töhfə verəcəyini qeyd ediblər.
Sonda tədbir konsert proqramı ilə
davam etdirildi.
Xəbərdən istifadə edərkən istinad etmək vacibdir.