Sumqayıt
Dövlət Texniki Kollecində ilk dəfə səs verəcək gənclərin iştirakı ilə
seminar keçirilib. Tədbir Sumqayıt şəhər Gənclər və İdman Baş İdarəsinin
təşkilatçılığı ilə reallaşıb.
Baş İdarənin rəisi Elgün Hümbətov ölkə rəhbərliyinin
gənc nəslə göstərdiyi qayğıdan, respublikada dövlət gənclər siyasətinin
uğurla reallaşdırılmasından, şəhərdə aparılan abadlıq-quruculuq
işlərindən, həyata keçirilən genişmiqyaslı layihələrdən danışıb.
E.Hümbətov keçirilən tədbirin məqsədinin "Azərbaycan gəncliyi
2017–2021-ci illərdə” Dövlət Proqramının Tədbirlər Planının 5.7.3
yarımbəndinin icrası, gənclər arasında seçkilərdə iştirakın təbliği,
seçkilərdə ilk dəfə iştirak edəcək gənclərin seçki prosesi, seçkilərdə
iştirak hüququ, seçicilərin hüquq və vəzifələri, səsvermə proseduru
barədə maarifləndirilməsi olduğunu bildirib.
Kollecin tədris işləri üzrə direktor müavini Əsəd Qurbanov qanunla
hüquqları məhdudlaşdırılmayan hər bir Azərbaycan vətəndaşının seçki
hüququ olduğunu qeyd edərək, gəncləri seçkilərdə fəal olmağa səsləyib.
Sonra təlimçi Ramil Süleymanov iştirakçılara seçkilərdə iştirak
hüququ, səsvermə proseduru barədə ətraflı məlumat verərək, 18 yaşına
çatmış hər bir Azərbaycan vətəndaşının öz səsvermə hüququndan istifadə
etməklə əslində seçki obyektivliyini təmin etmiş olacağını bildirib.
Təlimçi gəncləri maraqlandıran sualları cavablandırıb. Seminar
diskussiya formatında davam edib, iştirakçılara maarifləndirici
bukletlər paylanılıb.
Xəbərdən istifadə edərkən istinad etmək vacibdir.
