Yeni Azərbaycan
Partiyası qarşıdan gələn bələdiyyə seçkiləri təbliğat kampaniyası çərçivəsində
növbəti görüşünü Sumqayıt şəhərində keçirib. Şəhərin Corat qəsəbəsinin seçiciləri ilə keçirilən görüşdə çıxış edən
Yeni Azərbaycan Partiyası Sumqayıt şəhər təşkilatının sədri Ramiz Hüseynov bələdiyyələrin
fəaliyyəti ilə bağlı məlumat verib. Yeni Azərbaycan Partiyası Sumqayıt şəhər təşkilatında
yerləşən seçki qərargahının fəaliyyəti ilə bağlı danışan R.Hüseynov təbliğat
kampaniyasının uğurla davam etdirildiyini dilə gətirib: «İrəli sürülən namizədlər
arasında əsasən gənclər təmsil olunurlar. Yeni Azərbaycan Partiyası hər zaman gənclərin
fəallığının artmasında maraqlıdır. İnanırıq ki, dekabrın 23-də Sumqayıt seçiciləri,
o cümlədən, Corat qəsəbəsinin seçiciləri Ümummilli Lider Heydər Əliyev siyasi
kursuna, Azərbaycan Respublikasının
Prezidenti İlham Əliyev cənablarına və dövlət başçımızın Sədri olduğu
Yeni Azərbaycan Partiyasına olan inamını və sevgisini növbəti dəfə nümayiş
etdirəcəklər. Mən qəsəbə sakinlərini Yeni Azərbaycan Partiyasının namizədlərinə
səs verməyə çağırıram».
Tədbirdə çıxış edən Corat qəsəbə bələdiyyəsinin
üzvlüyünə namizəd Elçin Ədilov bildirib ki, ölkəmizdə bütün sahələrin inkişafı
ölkə Prezidenti tərəfindən göstərilən diqqət və qayğıya əsaslanır. Bu amil isə
bütün sahələrin paralel inkişafını təmin edib. Çıxış edən Corat qəsəbə bələdiyyəsi
üzvlyünə YAP tərəfindən irəli sürülmüş namizədlər Tural Əlibabayev, Taleh Məmmədov,
Mehrab Əliyev, Ağabəy Paşayev seçiciləri seçki günü aktiv olmağa çağırıblar.
Xəbərdən istifadə edərkən istinad etmək vacibdir.
