Sumqayıt Dövlət Universitetinin Tələbə Gənclər Təşkilatı (SDU TGT) Azərbaycan Tələbə Gənclər Təşkilatları İttifaqı (ATGTİ) ilə birgə Milli Dirçəliş Günü və Beynəlxalq Tələbə Gününə həsr olunmuş bayram tədbiri keçirib. 

AZADİNFORM  xəbər verir ki, SDU-da keçirilən tədbirdən öncə iştirakçılar ümummilli lider Heydər Əliyevin universitetin foyesində qoyulmuş büstü önünə tər güllər düzərək, ulu öndərə olan ehtiramlarını nümayiş etdiriblər.

Tədbir iştirakçılarını SDU-nun rektoru Elxan Hüseynov adından təbrik edən universitetinin humanitar məsələlər üzrə prorektoru, dosent Nizami Namazov savadlı gənc nəslin yetişməsinin vacibliyini vurğulayıb. 

Daha sonra çıxış edən ATGTİ-nin sədri Şahin İsmayilov SDU-nun müəllim-tələbə heyətini hər iki bayram münasibəti ilə təbrik edib. 

Tədbirdə SDU-nun TGT sədri Şənlik Əliyev də daxil olmaqla,  TGT-nin idarəetmə şurasının 13 üzvünə ATGTİ adından diplom və hədiyyələr təqdim edilib. 

Bayram tədbiri universitetin "Səma” rəqs ansamblının müxtəlif rəqsləri və dəvət olunmuş müğənnilərin çıxışları ilə  başa çatıb.