SOCAR "Azərikimya” İstehsalat Birliyinin kollektivi Dünya Azərbaycanlılarının Həmrəylik Günü və Yeni il münasibətilə Sumqayıtda yerləşən "N” saylı hərbi hissədə olub. Əsgərlərdə yüksək vətənpərvərlik hissi aşılamaq, Vətənə sevgi, torpağa bağlılıq, dövlətə sadiqlık duyğusunu daha da inkişaf etdirmək, həmçinin bayram ovqatı bəxş etmək məqsədi daşıyan görüşdə SOCAR "Azərikimya” İstehsalat Birliyinin Kimyaçı Mədəniyyət Sarayının bədii özfəaliyyət kollektivləri əsgərlər qarşısında geniş konsert proqramı ilə çıxış edib.
Xeberle.com xəbər verir ki, həmçinin təqdim olunan rəqs nümunələri, vətənpərvərlik ruhlu şeirlər, ədəbi-bədii kompozisiyalar, Şaxta baba ilə Qar qızın təbrikləri əsgərlər tərəfindən maraqla qarşılanıb, onlarda xoş əhval-ruhiyyə yaradıb.
"N” saylı hərbi hissənin komandiri istər bu gün, istərsə də bütün bayram günlərində onların yanında olan, bir-birindən maraqlı konsert proqramları ilə əsgərlərin görüşünə gələn SOCAR "Azərikimya” İstehsalat Birliyinin rəhbərliyinə minnətdarlığını bildirib.
Xəbərdən istifadə edərkən istinad etmək vacibdir.
