Paytaxt Bakıdan Sumqayıt şəhərinə gedən sakinlər artıq bir neçə gündür çıxılmaz vəziyyətlə üzləşiblər. Belə ki, şəhərin 20 yanvar dairəsində aparılan təmir-tikinti işləri onsuz da bərbad vəziyyətdə olan Bakı-Sumqayıt şossesində uzunmüddətli tıxacların yaranmasına ilə nəticələnib.
Bundan istifadə edən dırnaqarası taksi sürücüləri isə dərhal bir parça çörəyə görə Bakıya üz tutan kasıb təbəqənin "cibinə girməyə” başlayıb. Qiymətlər o dəqiqə qalxıb "ceyran belinə”. Marşurt axtaran kim, taksi dalınca qaçan kim. Belə demək mümkünsə 20 yanvar dairəsində hər axşam əsl insan izdihamı yaşanır.
Taksi sürücüləri normal halda 1 və ya 2 AZN olan ödəniş haqqını 3 AZN-ə qaldırıblar. Gündəlik 10 manata işləyən və tələsən çarəsiz insanlar isə 3 manatlarından keçərək evlərinə getməyə məcbur qalırlar.(azadxeber.az)
Xəbərdən istifadə edərkən istinad etmək vacibdir.
