Millət vəkilləri parlamentin bugünkü plenar iclasında Avropa Parlamentinin sədri Martin Şultsun Azərbaycanla bağlı qərarı ilə bağlı sərt çıxış ediblər.
Çıxış edən deputat Zahid Oruc bildirib ki, Sumqayıtda bir məscidin divarına "burada Allah yoxdur deyə"yazılar yazılır: "Binəqədidə iki polis bıçaqlanır. Qaraxaçucurda məscid yandırılır.
Bu mənə Soçi olimpiadasından öncə baş verən müxtəlif hərəkətlənmələri xatırladır. Bu gün beynəlxalq aləmdə olan qarşıdurmaları Azərbaycana keçirmək istəyirlər".
Millət vəkili Fazil Mustafa isə qeyd edib ki, Avropa Birliyinin obyektiv əsasları kifayət qədət məhduddur: "Qarakənd səmasında Azərbaycanın dövlət xadimlərinin vurulması yaddaşlardan çıxmayıb. Bu cür münasibəti heç xatırlayan olmadı. Son vaxtlar multukulturalizm sahəsində ciddi tədbirlər həyata keçirilir. Ölkədə hansısa xarici kəşfiyyatın əli ilə elə hadisələr olur ki bu ənənəvi olaraq heç vaxt ölkədə olmayıb. Azərbaycan mentalitetində məscid yandırmaq ənənəsinə rast gəlinməyib. Qaraçuxur məscidinin yandırılması buna misaldır.
Azərbaycanla bağlı ciddi planlar hazırlanır. Bütün cəmiyyətin bu işə səfərbər olunması lazımdır ki, ölkədə qarşıdurma olmasın. Məscidlərə kameralar quraşdırmaq lazımdır. Ya da polis postları quraşdırılmalıdır".
YAP- çı millət vəkili Siyavuş Novruzov qeyd edib ki, Avropanın müxtəlif qurumları diqqətini Azərbayacana yönləndirib: "Onlar Azərbaycanda olan inkişafı, siyasi sabitliyi gözləri götürmürlər. Dəfələrlə demokratiyaya zidd şəkildə Azərbaycana qarşı qərarlar qəbul edirlər. Bir müddət əvvəl Barak Obama QHT-lər haqqında çıxış edir. Heç onları tanımır belə. Daha sonra Emin Milli Çexiyada tədbir keçirir. O da daha çox özünə qeyri milli deməlidir. Sonra Gürcüstanda tədbir keçirilir. Biz hər dəfə onlara qarşı addım atdıqca bir az da üstümüzə gəlirlər".(qafqazinfo.az)