Ötən gecədən başlayan yağış Sumqayıtda müəyyən problemlər yaradıb.Dekabırın 2-si gecə saatlarından başlayaraq şəhərdə ciddi problemlər yaranıb. Sumqayıta yağan yağış təkcə şəhərin küçə prospektlərində yox, eləcə də şəhərin digər ərazilərində də müxtəlif fəsadlara yol açıb. Belə ki, Sumqayıtın bəzi ərazilərində elektrik enerjisinin verilişi dayanıb. Ən acınacaqlı vəziyyət isə "Yaşıldərə" massivində qeydə alınıb. Bunu deməyə redaksiyamıza gələn şikayətlər əsas verir. Sakinlər qeyd edirlər ki, yağışın yağmasından sonra işıqlarımız sönüb. Hal-hazırda işıqsızıq. Biz heç, bəs balalarımız?! İndi uşaqlarımız məktəbdədir, lakin nə qaz, nə də ki, işıq var. Bəs o uşaqlar bu soyuqda necə dərs oxusunlar, təhsil alsınlar?Sakinlər onu da qeyd edirlər ki, havalar soyuyanda bizim yaşadığımız massiv "cəhənnəmə" dönür. Bir balaca yağış yağan kimi işıqlarımız sönür.(XeberLent.az)