Sumqayıt
Dövlət Yol Polisi Şöbəsinin əməkdaşları xüsusi karantin rejiminin
gücləndirilməsi ilə bağlı şəhər ərazisində avtomobillərin hərəkətinin
məhdudlaşdırılması ilə bağlı tədbirləri davam etdirir.
Xeberle.com-un məlumatına görə yol polisi şöbəsinin əməkdaşları avtomobilləri
saxlayaraq onları yollara çıxmamaları ilə bağlı xəbərdarlıq edir.
Bu
tədbirlər Sülh prospekti ilə yanaşı, şəhərin ikinci girişi olan "Daş bazarı”
adlanan ərazidə də həyata keçirilir.
Qeyd
edək ki, Sülh prospektinin "Dörd yol” adlanan hissəsindən artıq Bakıdan gələn
avtomobillərə geri qayıtmaları və
nəqliyyat vasitələrindən istifadə etməmələri tövsiyə olunur.
Xatırladaq ki, martın 29-dan xüsusi karantin rejimi gücləndirilib. Bununla
bağlı xüsusi təyinatlı, o cümlədən təcili tibbi yardım, qəza-bərpa, xilasedici,
habelə yük daşıyan avtomobillərin hərəkəti istisna olmaqla, Bakı şəhəri,
Sumqayıt şəhəri və Abşeron rayonuna giriş və çıxış məhdudlaşdırılıb.
Xəbərdən istifadə edərkən istinad etmək vacibdir.
