İndiyədək Azərbaycanda koronavirusa ən çox yoluxma faktına 50-59 yaş arasında rast gəlinib. Bu yaş qrupunda 248 nəfər koronavirusa yoluxub.
Xeberle.com xəbər verir ki, bunu TƏBİB-in İdarə Heyətinin sədri Ramin Bayramlı deyib. Onun sözlərinə görə, ikinci ən çox yoluxma halı 30-39 yaşarasında aşkarlanıb. Həmin şəxslərin sayı 214 nəfərdir.
Bundan əlavə, 9 yaşadək uşaqlar arasında 66, 10-19 yaşarası 60, 20-29 yaşarası 175, 40-49 yaş arası 198, 60-69 yaşarası 157, 70-79 yaşarası 56, 80 yaş və ondan yuxarı isə 23 nəfərdə yoluxma qeydə alınıb.
Ölkəmizdə virusa yoluxanlardan 640 nəfəri qadın, 557 nəfəri isə kişidir.
Qeyd edək ki, Azərbaycanda virusa yoluxanların sayı 1253, virusdan ölənlər 13, sağalan xəstə sayı 404, aktiv xəstələrin sayı isə 836 nəfərdir.
Xəbərdən istifadə edərkən istinad etmək vacibdir.
