Sumqayıtda Corat qəsəbəsində yaşayan, idmanın Sambo növü üzrə 100 kq
çəki dərəcəsində Milli Yığma Komandanın bir nömrəlisi Nizami Məmmədov
son günlər koronavirus pandemiyasından zərər çəkərək evdə işsiz qalan
aztəminatlı insanlara yardım göstərən Kamil Zeynallıya video müraciət
ünvanlayıb.
Xeberle.com xəbər verir ki. sumqayıtlı idmançı Kamil Zeynallının yardım paylayan
zaman yerli icra hakimiyyəti orqanlarının başçılarına qarşı nalayiq
sözlər işlətdiklərinə görə qınayıb, bunun idmançıya yaraşan hərəkət
olmadığını bildirib.
Azərbaycanı dəfələrlə beynəlxalq
çempionatlarda və turnirlərdə təmsil edərək bayraq qaldırmış heç bir
idmançının bu kimi nalayiq sözlər işlətmədiyini, təhqiramiz ifadələr
söyləmədiyini deyən samboçu Kamil Zeynallını insanlara "şəxsiyyətsiz”,
"korsan”, "şərəfsizsən” kimi xoşagəlməz alçaldıcı ifadələr işlətməkdə
qınayıb və insanları təhqir etməməyə çağırıb.
O, həmçinin bildirib
ki, bir insanı tanımadan ləyaqətini, şəxsiyyətini alçaltmaq olmaz. "Bir
idmançı kimi bunları sənə yaraşdırmıram. Nömrəmi də videonun altına
qoyacam. Mənə nə isə bir sözün olsa zəng et görüşək, sənin ərtafındakı
idmançıların yanında kimin doğru söylədiyini araşdıraq”, – deyə Nizami
Məmmədov əlavə edib.
Sumqayıtlı idmançı həmçinin Kamil Zeynallını
Pirallahı qəsəbə İcra Nümayəndəsi Vasif İmanovu yanlış təhqir etdiyini,
ona şərəfsiz ifadəsi deməkdə suçlayıb, bunun bir idmançıya yaraşan
hərəkət olmadığını qeyd edib.
Sonda Nizami Məmmədov Kamil
Zeynallıya müraciət edərək, Sumqayıtda Corat qəsəbəsində yaşadığını,
ehtiyac olduğu təqdirdə görüşərək bu məsələni üzbəüz müzakirə etməyə
hazır olduğunu bildirib.(nocomment.az)
Daha ətraflı videoda:
Xəbərdən istifadə edərkən istinad etmək vacibdir.
