İşsiz və xüsusi karantin rejiminə
görə işini itirən qeyri-formal məşğul aztəminatlı şəxslərdən daha 30
mini üçün birdəfəlik vəsait (190 manat) köçürüldü.
Əmək və Əhalinin Sosial Müdafiəsi Nazirliyindən Xeberle.com-a daxil olan məlumata görə, Prezident İlham Əliyevin tapşırığına əsasən
birdəfəlik ödəmə proqramının əhatə dairəsinin 3 dəfə artırılması,
ümumilikdə 600 min şəxsin birdəfəlik ödəmə ilə təminatı nəzərdə tutulub.
ƏƏSMN tərəfindən aprelin 9-dan gündəlik
olaraq birdəfəlik ödənişlər həyata keçirilir. Artıq 260 min nəfər üçün
ödəniş edilib və bunun üçün 49,4 milyon manat vəsait köçürülüb.
Birdəfəlik ödəmə vəsaiti köçürüldükdən
sonra vətəndaşların telefon nömrəsinə bu barədə SMS göndərilir. İşsiz
şəxslər bu mesajı aldıqdan sonra, evdən çıxmaq üçün müvafiq qaydada
icazə alaraq, mesajda "Azərpoçt” MMC qeyd edildiyi halda istənilən poçt
şöbəsinə, bank göstərildiyi halda isə həmin bankın istənilən filialına
şəxsiyyət vəsiqəsi ilə müraciət edərək birdəfəlik ödəməni əldə edirlər.
Birdəfəlik ödənişlər qarşıdakı günlərdə də davam edəcək.
Xəbərdən istifadə edərkən istinad etmək vacibdir.
