Milli Təhlükəsizlik Nazirliyi Azərbaycanın milli maraqlarının təmin olunması və müdafiəi üçün bütün lazımı tədbirləri görür.

Bu barədə Suriyada döyüşən azərbaycanlıların geri qayıtması brədə KİV-lərdə yayılan xəbəri şərh edən MTN-nin İctimaiyyətlə əlaqələr şöbəsinin rəhbəri Arif Babayev bildirib.

Onun sözlərinə görə, MTN heç vaxt görülən təhlükəsizlik tədbirləri barədə məlumat yaymır. Eyni zamanda bütün lazımı tədbirlər görülür.

Qeyd edək ki, Siuriyaya döyüşmək üçün yollanan azərbaycanlıların vətənə dönməsi barədə yaxın günlərdə yerli KİV-lərdə məqalə yazılmışdı. Əsasən Sumqayıt sakinləri geri dönürlər.

Sumqayıtın yerli sakinlərinin sözlərinə görə, son günlərdə hüquq mühafizə orqanlarının əməkdaşları sakinləri siyahıya almağa başlayıblar. Polis hətta əvvəlki ünvanda yaşamayan ailələrin üzvlərinin əlaqə nömrələrini və yaşayış ünvanlarını alırlar.

Sumqayıt şəhər Polis İdarəsindən verilən məlumata əsasən, polis mütəmmadi olaraq neçə ildən birdən əhalini siyahıya alırlar. Bu tədbirləri sahə polisləri həyata keçirirlər və bu cinayət axtarışı ilə əlaqəli deyil.

/salamnews.az/