Azərbaycanda girişinə qadağa qoyulması səbəbindən bulvar və parkların
ətrafında quraşdırılan dəmir məhəccərlərin götürülməsinə başlanılıb.
Xeberle.com xəbər verir ki, bu, bulvar, park və istirahət məkanlarına girişə
qoyulan qadağanın bu gündən aradan qaldırılması ilə əlaqədardır. Bununla əlaqədar olaraq Sumqayıt şəhərində park və xiyabanlar əhalinin istirahəti üçün hazır vəziyyətə gətirilir. Belə ki, sözügedən ərazilərdə təmizlik işləri aparılıb, xüsusi karantin rejimi dövründə götürülən oturacaqlar yerlərinə qaytarılıb və həmçinin, şəhərin bulvar, park və istirahət məkanlarında dezinfeksiya işləri həyata keçirilib.
Qərara əsasən 18 may 2020-ci il saat 00:00-dan etibarən bulvar, park və istirahət məkanlarına girişə tətbiq olunan məhdudiyyət də 10 nəfərdən artıq qruplarda cəmləşməmək şərti ilə götürülüb.
Xatırladaq ki, Nazirlər Kabineti yanında Operativ Qərargahın
Azərbaycanda xüsusi karantin rejiminin gücləndirilməsilə haqqında
qərarına əsasən martın 29-dan bütün bulvar, park və istirahət
məkanlarına giriş məhdudlaşdırılmışdı
Xəbərdən istifadə edərkən istinad etmək vacibdir.
