Sumqayıtda 2253 nəfər haqqı ödənilən ictimai işlərə cəlb edilib.
Bu barədə Xeberle.com- a Sumqayıt şəhər Məşğulluq Mərkəzinin direktoru Elxan Bədəlov məlumat verib.
E. Bədəlovun sözlərinə görə, yeni yaradılan ictimai iş yerləri əsasən dezinfeksiya işlərinin aparılması, tənha yaşlılara və əlilliyi olan şəxslərə sosial xidmətlərin göstərilməsi və s. kimi sahələri əhatə edir: "DOST İş Mərkəzi ilə ödənişli ictimai işlərə cəlb olunan şəxslər arasında əmək müqaviləsi bağlanılaraq elektron sistemdə qeydiyyatdan keçirilərək rəsmiləşdirilir".
Elxan Bədəlov həmçinin bildirib ki, 2020-ci il müddətində 77 nəfər özünüməşğulluq proqramı üzrə təlimlərə cəlb olunub, lakin məlum problemlərə görə təlimlərdən sonrakı mərhələ dayandırılıb. İnun sözlərinə görə, iyun ayından özünüməşğulluq proqramına cəlb olunmuş işsiz və işaxtaran vətəndaşlara biznes-planlarına uyğun olaraq işlər davam edəcək.
Qeyd edək ki, 2019-cu ildə Sumqayıtda 360 nəfər bu proqrama cəlb olunub və öz bizneslərini qurublar. 2020-ci ildə bu rəqəmlərin artırılması nəzərdə tutulub.
Xədicə Səxavətqızı
Xeberle.com
Xəbərdən istifadə edərkən istinad etmək vacibdir.
