Şəhər ərazisində sanitar norma və tələblərə cavab verməyən, nəzərdə tutulan standartlardan uzaq bir neçə kafe və restoranlar fəaliyyət göstərir. Azərbaycan Qida Təhlükəsizliyi Agentliyinin Sumqayıt Regional Bölməsinin keçirdiyi yoxlamalarda gigiyenik qaydaların kobud şəkildə pozulması faktı aşkar olunub. Şəhərin mərkəzi və Sahil küçəsində yerləşən restoranlarda aparılan dövlət yoxlaması zamanı Pandemiya dövründə qoyulan qaydalara əməl etməyən kafelərin antisanitar şəkildə fəaliyyət göstərdiyi üzə çıxıb.

Şəhər ərazisində keçirilən reyd zamanı qanun pozuntuları ilə yanaşı, qaydalara əməl edən restoranlara da rast gəlinib. Giriş hissələrdə müştərilərin əyləşdikləri masalarda, mətbəx və digər yerlərdə Qida Təhlükəsizliyi Agentliyinin mütəxəssisləri tərəfindən təlimat lövhələri vurulub. Obyekt sahiblərinə sanitar norma və tələblər barəsində məlumatlar verilib. Restoran daxilində dezinfeksiya işləri görülüb.

Bu cür reydlər mütəmadi olaraq keçiriləcək.