"Sosial şəbəkələrdə bəzən yazırlar ki, polis faiz aldığına görə cərimələr yazır”.
Bu haqda Baş Dövlət Yol Polisi
İdarəsinin (BDYPİ) İctimaiyyətlə əlaqələr şöbəsinin rəisi Kamran Əliyev
AzTV-də yayımlanan "Hədəf” verilişində qonaq olarkən danışıb. O,
səsləndirilən ittihamlara belə münasibət bildirib:
"Koronavirus xəstəliyi ilə ön cəbhədə mübarizə aparan həkimlər və
polislər əsas risk qrupuna daxil olanlardır. Buna baxmayaraq, bəzən
sosial şəbəkələrdə yazırlar ki, həkimlər bilərəkdən bu formaya əl atır,
kimi deyir polis oradan faiz alacaq ona görə insanları cərimə edir. Amma
bir daha insanlara demək istəyirəm ki, polis öz həyatı, sağlamlığı,
ailəsinin, yaxınlarının sağlamlığı ilə risk edib kimisə cərimə edirsə, o
pulun 1 manatı belə nə polisin maaşına əlavə olunur, nə də dövlət
büdcəsinə gedir. Cərimələrdən toplanan vəsaitlərin hamısı o xəstəliklə
mübarizəyə sərf olunur”.(qafqazinfo.az)
Xəbərdən istifadə edərkən istinad etmək vacibdir.
