Sumqayıt şəhər İcra Hakimiyyətinin başçısının təşəbbüsü ilə
Ağsaqqallar Şurasının, Gənclər və İdman
Baş İdarəsi və Təhsil şöbəsinin birgə təşkilatçılığı ilə Yeni Azərbaycan
Partiyasının Sumqayıt şəhər təşkilatının binasında “Sumqayıt Gəncləri
Narkomaniyaya Yox! Deyir!” devizi altında maarifləndirici xarakterli dəyirmi
masa keçirilib. Gənclər və İdman Baş
İdarəsindən “Xeberle.com”-a verilən məlumata görə dəyirmi masada Sumqayıt şəhər
hüquq mühafizə orqanlarının əməkdaşları, şəhər təhsil və səhiyyə şöbəsinin,
ictimai təşkilatların və tələbə gənclər təşkilatlarının nümayəndələri, ali,
orta-ixtisas və ümumtəhsil məktəblərinin müəllim,tələbə, şagird kollektivi
iştirak ediblər.
Şəhər Ağsaqallar
Şurasının sədri Müzəffər Gülümov tədbirin keçirilməsinin məqsədi barədə
geniş məlumat verib.
Sonra Gənclər və İdman Baş İdarəsinin hazırladığı
“Narkomaniya – cəmiyyətin bəlasıdır” adlı film nümayiş etdirilib.
Sumqayıt şəhər Ruhi-əsəb xəstəlikləri Dispanserinin baş həkimi
Mayıl Tağıyev, Polis İdarəsinin əməkdaşı İslam Məlikov, Təhsil Şöbəsinin müdir əvəzi
Vaqif Ələkbərov, Gənclər və İdman Baş İdarəsinin rəisi Musa Həsənov, Gənc Təbiblər
şurasının sədri Gülbacı Məmmədova şəhərdə narkomaniya əlehinə keçirilən tədbirlər
barədə, gənclərə və yeniyetmələrə narkomanların taleyi, narkomaniyanın fəsadları
və nəticələri haqqında, ondan qorunmağın yolları, şəhərdə bu dəhşətli bəla ilə
mübarizədə görülən işlər barədə məlumat veriblər.
Sonda bu istiqamətdə həyata keçirilən tədbirlərin mütəmadi
keçirilməsi qərara alınıb.
Xəbərdən istifadə edərkən istinad etmək vacibdir.